Ipeshkvijtë e Malit vizitojnë të plagosurit e ndihmojnë të shpërngulurit
Ipeshkvijtë e Malit vizituan të plagosurit e luftimeve ndërmjet terroristëve e trupave
franceze e lokale, në spitalin e Bamakosë. Sipas agjensisë kishtare Fides, Konferenca
Ipeshkvnore e vendit është mbledhur që dje, për të vlerësuar ç’mund të bëjë Kisha
Katolike për të shpërngulurit dhe për të plagosurit. Që tani, ajo është impenjuar
në ndihmën për 200 – 300 mijë refugjatët e kësaj periudhe, të cilët janë strehuar
edhe në vendet fqinjë. Në jug të Malit, refugjatët u shtohen të shpërngulurve të mëparshëm,
që sipas Kishës, ishin me dhjetra mijëra.