Պենետիկտոս ԺԶ Քահանայապետին Առաքելական Թուղթը Աղեքսանդրիոյ Ղպտի Կաթողիկէ նորընտիր
Պատրիարքին։
Գերերջանիկ Իբրահիմ Իսահակ Սիտրաք, Աղեքսանդրիոյ Ղպտի Կաթողիկէ նորընտիր Պատրիարքին ուղղած
իր առաքելական թուղթին մէջ Պենետիկտոս ԺԶ Քահանայապետը սիրով կը շնորհէ եկեղեցական հաղորդութիւնը
գոհութիւն մատուցանելով Ամենակալ Տիրոջ։ ''Աղեքսանտրիոյ Ղպտի աթոռին վրայ բարձրանալով կու գամ իմ ջերմ խնդակցութիւններս յայտնելու - կը գրէ Սրբազան հայրը ու կը շարունակէ- իմ աղօթքս կը բարձրացնեմ Քրիստոսին որպէսզի ընկերանայ ձեզի ձեր այս նոր պաշտօնին ընթացքին''։
Սրտանց կ'ընդառաջեմ եկեղեցական հաղորդութեան ձեր խնդրանքին, վստահ եմ որ Յարուցեալ Քրիստոսի զօրութեամբ եւ սիւնհոդոսական հայրերու համագործակցութեամբ արիութեամբ պիտի հովուէք ձեր եկեղեցին, լուսաւորուած Մարկոս աւետարանիչի քարոզութենէն եւ Ղպտի եկեղեցւոյ սուրբերէն ս. Անտոն անապատականի գլխաւորութեամբ ։
Թող Տէրը առաջնորդէ ձեր քայլերը, որպէսզի արիութեամբ հռչակէք Աստուծոյ խօսքը։ Թող հաւատացեալները մխիթարութիւն գտնեն նոր պատրիարքի հայրական հոգատարութեան մէջ։
Սրբազան Հայրը ապա առաքելական թուղթը կ'եզրափակէ ըսելով. ''Եղբայրական սիրով կ'ողջունեմ եկեղեցական ու աշխարհական դասերը, բոլորին հաղորդելով իմ առաքելական օրհնութիւնս։''
Պենետիկտոս ԺԶ Քահանայապետը
Վատիկան 18 յունուար 2013
| All the contents on this site are copyrighted ©. |