Удзельнікі Еўрапейскай сустрэчы моладзі памятаюць запавет Бэнэдыкта XVI
Радасць, натхненне,
пачуццё адзінства – вось што прывезлі беларускія ўдзельнікі Еўрапейскай сустрэчы моладзі,
арганізаванай супольнасцю Тэзэ, да дому з Рыма, дзе праходізіў гэты форум. Некалькі
дзён, праведзеных у Вечным горадзе ў навагоднія святы, здаліся маладым людзям сапраўднай
казкай, успамінае Сяржук Федарук. “Але казка не таму, што там прыгожа і гэта новы
для нас горад, але таму, што туды едуць людзі веруючыя або тыя, хто цікавіцца верай.
І на такіх сустрэчах сціраюцца межы, асабліва на агульных малітвах. Гэта тое, што
нас натхняе, калі мы вяртаемся да дому”, - адзначыў малады вернік.
36 груп,
паўтары тысячы чалавек – менавіта столькі пілігрымаў з Беларусі ўдзельнічалі ў 35-й
па ліку Еўрапейскай сустрэчы моладзі. Увогуле ў Рыме – сталіцы каталіцызму – яна была
як ніколі маштабнай. Уразіла і колькасць людзей, і колькаць базылік, якія пілігрымы
наведалі і, вядома, галоўная рымская базыліка – св. Пятра. Толькі яна змагла змясціць
некалькі дзясяткаў тысяч пілігрымаў на сумесную малітву з папам Бэнэдыктам XVI, распавядае
Анастасія Харкевіч. “Там быў такі момант, калі ўсе запалілі свечкі. Я залезла на заборчык
і ўбачыла плошчу св. Пятра, якая была ўсыпана агеньчыкамі гэтых свечак. Я адчула прысутнасць
Духа Святога і духа адзінства, зразумела, што я ёсць маленькая частка гэтай вялікай
сям’і каталіцкай моладзі, зразумела, што я не адна, што нас шмат, і мы ўсе маладыя
і можам нешта рабіць для Езуса. Разам.”
Менавіта малітва з Папам стала кульмінацыйным
момантам сустрэчы. Падчас яе брат Алоіс, настаяцель экуменічнай супольнасці Тэзэ,
адзачыў, што кожных год на такіх форумах збіраюцца католікі, праваслаўныя, пратэстанты,
людзі з розных краін, якія размаўляюць на розных мовах. Але аб’ядноўвае ўсіх крыж
і Святое Пісанне. І ўсе прыехалі, каб напоўніцца верай і ўмацаваць яе, кажа айцец
Сяргей Трысцень, адзін з арганізатараў пілігрымкі ў Рым. “З любога падарожжа, якое
напоўнена духоўнасцю і малітвамі, людзі прыязджаюць іншымі. Кожны, калі едзе, нешта
плануе – убачыць, адчуць, аднак толькі Дух Святы можа нам паказаць тое, чаго мы і
не чакалі. Таксама і на гэты раз заўважыў, што для многіх людзей гэта пілігрымка стала
пераломным момантам у жыцці. Яны ехалі магчыма не заўсёды з пабожнымі мэтамі, аднак,
дакрануўшыся, убачылі вялікую моц хрысціянскага свету і вярталіся перамененымі”.
Акрамя
малітвы, маладыя людзі правялі дыскусіі, канферэнцыі па актуальных пытаннях духоўнага,
сацыяльнага, культурнага жыцця, здейснілі шмат экскурсій па Рыме. І таксама зрабілі
для сабе некалькі адкрыццяў, прызнаецца Юлія Мілашэўская. “Моцна ўразіла тое, што
ведала з падручнікаў па гісторыі, што Пантэон – гэта храм усіх Багоў, а калі я ўбачыла
там абраз Маці Божай, адчула моц, што Бог нават праз такія несвятыя месцы робіць іх
святымі і робіць гэта на сваю хвалу”. Добра ўсе запомнілі і запавет Папы – некалькі
слоў, якія назасёды застануцца ў сэрцы. “Папа сказаў – Вы агеньчыкі! Ідзіце і свяціце!”
Таксама
беларускія ўдзельнікі сустрэчы прывезлі зерне сарго – іх перадала моладзь Афрыкі як
сімвал яднання з еўрапейскай моладзю. Цяпер яны ўзрастаюць у юнакоў і дзяўчат, як
узрастае і іх вера. Наступная сустрэча моладзі адбудзецца ў Страсбургу.