''Ապրուած համամիութիւնը մեզ կ՛առաջնորդէ դէպի միութիւն'' Կ՛ըսէ Կարդինալ Գոխ։

Քրիստոնեաներու միութեան զարգացումի Քահանայապետական խորհուրդի նախագահ` Կարդինալ Գուրտ Գոխը` Քրիստոնեաներու միութեան աղօթքի շաբթուայ առթիւ (18- 2 5 յունուար) Ռատիովատիկանի հետ ունեցած ելոյթի մը ընթացքին հաստատած է թէ ''համամիութիւնը քաղաքական կամ դիւանագիտական հարց մը չէ այլ հաւատքի հարց է. Ինչ որ մեզ աւելի կը միացնէ Սուրբ Մկրտութեան խորհուրդն է որ ճանչցուած է բոլորէն ինչպէս նաեւ առաքելական հաւատքը։ Այս ուղղութեամբ Հաւատոյ Տարին մեծ մարտահրաւէր մըն է վերագտնելու համար համամիութեան արմատները որուն ակնաղբիւրը հաւատքն է։'' Հաստատած է Քրիստոնեաներու միութեան զարգացումի Քահանայապետական խորհուրդի նախագահը ու ապա մատնանշած է թէ ''ապրուած համամիութիւնն է որ մեզ կ՛առաջնորդէ դէպի միութիւն։''
Հարցազրոյաի առթիւ Կարդինալ Գոխ ակնարկած է նաեւ վերջին 50 տարիներուն ընթացքին արձանագրուած համամիութենական յառաջդիմութիւններուն ու դիտել տուած է թէ ''ասով հանդերձ տակաւին շատ բան կայ ընելիք հասնելու համար իսկական միութեան։
Կարդինալ Գոխը հուսկ խօսած է Կաթողիկէ - Օրթոտոքս երկխօսութեան մասին ու այս ուղղութեամբ իղձ յայտնեց Համա - Օրթոտոքս Սիւհոդոսի մը գումարումի առնջութեամբ` որ վերջ դնէ Օրթոտոքս եկեղեցիներու միջեւ կայացած ''լարուածութիւններուն''։ Այս մէկը - աւելցուցած է Կարդինալը - մեծապէս պիտի պաստէ համամիութենական երկխօսութեան յառաջացումին։
Յայտնենք որ քրիստոնեաներու միութեան աղօթքի շաբաթը տեղի կ՛ունենայ ամէն տարի 18- 2 5 յունուար։ Այս տարուայ նիւթը առնուած է Միքիայ մարգարէի խօսքերէն ''Այն ինչ որ Տէրը մեզմէ կը պահանջէ''։