Кардынал Равазі правядзе велікапостныя рэкалекцыі для Папы
Кардынал Джанфранка
Равазі, старшыня Папскай рады па культуры, правядзе велікапостныя духоўныя практыкаванні
для Святога Айца і членаў Рымскай курыі. Яны адбудуцца ў капліцы “Redemptoris Mater”
у Апостальскім палацы Ватыкана ў першы тыдзень Вялікага посту: пачнуцца вечарам у
нядзелю 17 лютага і працягнуцца да суботы 23 лютага. Як звычайна, у гэты перыяд Папа
не будзе праводзіць ніякіх аўдыенцыі, у тым і ліку будзе адменена і традыцыйная агульная
аўдыенцыя ў сераду. Кардынал Равазі, акрамя таго, што займае пасаду кіраўніка ватыканскай
дыкастэрыі, з’яўляецца вядомым біблістам і аўтарам шматлікіх кніг аб адносінах паміж
хрысціянскай верай і культурай. Ён першы з высокіх супрацоўнікаў Рымскай курыі на
працягу цяперашняга пантыфікату, каму было даверана правядзенне рэкалекцый для Папы.
За гэты час Бэнэдыкт XVI прымаў удзел у велікапостных духоўных практыкаваннях сем
разоў. У мінулым годзе іх праводзіў кардынал Ларан Пасінья, арцыбіскуп Кіншасы, з
Дэмакратычнай Рэспублікі Конга. Да яго былі тры італьянцы – кардынал Марка Чэ, кардынал
Джакома Біфі і арцыбіскуп Энрыка даль Ковала; два французы – кардынал Альберт Вангой
і а. Франсуа Мары Летэль; а таксама адзін нігерыец – кардынал Фрэнсіс Арынзэ.