വിശുദ്ധ നാടിന്റെ സുരക്ഷയെക്കുറിച്ച് മെത്രാന്മാര്ക്ക് ആശങ്ക
15 ജനുവരി 2013, ജറുസലേം വിശുദ്ധ നാട്ടിലെ ക്രൈസ്തവരോട് ഐക്യദാര്ഡ്യം പ്രകടിപ്പിച്ച്
വടക്കേ അമേരിക്കയിലേയും യൂറോപ്പിലേയും മെത്രാന്മാര് ഇക്കൊല്ലവരും വിശുദ്ധ നാട്ടിലേക്ക്
തീര്ത്ഥാടനം നടത്തി. ഈ പ്രദേശത്തെ ക്രൈസ്തവര് ഭയാനകമായ അവസ്ഥയിലാണ് കഴിയുന്നതെന്ന്
തീര്ത്ഥാടനത്തിനുശേഷം മെത്രാന്മാര് പുറത്തിറക്കിയ സംയുക്ത പ്രസ്താവനയില് വെളിപ്പെടുത്തി.
ഗാസയിലെ സംഘര്ഷം, സിറിയയിലെ ആഭ്യന്തരയുദ്ധം, ഇസ്രയേലും പലസ്തീനും തമ്മില് ശക്തിപ്പെടുന്ന
ധ്രുവീകരണം തുടങ്ങിയ നിരവധി പ്രശ്നങ്ങളുടെ നിഴലിലാണ് അവര് കഴിയുന്നത്. ഈ സംഭവങ്ങള്
എല്ലാവരേയും ബാധിക്കുന്ന കാര്യമാണെങ്കിലും ക്രൈസ്തവ സമൂഹങ്ങളുടെ കാര്യത്തില് അവ നിര്ണ്ണായക
സ്വാധീനം ചെലുത്തുന്നുണ്ടെന്ന് മെത്രാന്മാര് വിലയിരുത്തി. മധ്യപൂര്വ്വദേശത്ത് സമാധാനം
പുനഃസ്ഥാപിക്കപ്പെടുന്നതിനുവേണ്ടി പ്രാര്ത്ഥിക്കാന് മെത്രാന്മാര് ഏവരോടും അഭ്യര്ത്ഥിച്ചു.