Кс. Ламбардзі: Касцёл хоча сапраўднага дабра кожнага чалавека

Касцёл не хоча зрабіць дамінуючым сваё бачанне рэчаў, але хоча сапраўднага дабра кожнага і ўсіх. Такое меркаванне выказаў кс. Фэдэрыка Ламбардзі, каментуючы гамілію Папы прамоўленую падчас св. Імшы ва ўрачыстасць Аб’яўлення Пана і скіраваную, у першую чаргу, да новых іерархаў, якім ўдзяліў біскупскую сакру Святы Айцец. “Пошук праўды быў для іх больш важным чым, здавалася разумнае, меркаванне свету”, - нагадаў кс Ламбардзі словы Святога Айца. Кіраўнік Залы Друку Апостальскай Сталіцы адзначыў, што ў сённяшнім кантэксце біскупы часта павінны ісці супраць плыні, бо іх уласная вера і вера Касцёла, “пастаянна знаходзіцца ў канфлікце з дамінуючымі меркаваннямі”. На думку кс. Ламбардзі кантэкст словаў Бэнэдыкта XVI можна пашырыць. “Папа працягваў тлумачаць, што “дамінуючы сёння агностыцызм мае свае догмы і з’яўляецца радыкальна неталерантным ў адносінах да ўсяго таго, што ставіць яго пад сумненне”. Супрацьстаянне дамінуючым накірункам патрабуе, таго каб быць мужнымі – “адважнымі”, сказаў Папа Бэнэдыкт XVI. Актуальнасць гэтых слоў не мае патрэбы ў шматлікіх каментарах, таму што мы нам дадзена вялікая колькасць прыкладаў”, - адзначыў кс. Ламбардзі.

На думку кіраўніка Залы Друку, не менш значным, з’яўляецца тое, што дадаў Папа. Паводле Пантыфіка адвага заключаецца не ў тым, каб дзейнічаць гвалтоўна ці агрэсіўна, але, каб дазволіць сябе ўдарыць і трымаць розум “халодным” перад абліччам дамінуючых меркаванняў. “Папа даў усім фундаментальны урок евангельскага духа, важнейшай перадумовы хрысціянскага сведчання”, - сказаў езуіт. Ён адзначыў, што неабходна па-сапраўднаму зрабіць усё магчымае, каб даць зразумець, словамі і ўчынкамі, што Касцёл спрабуе, ідучы за праўдай, не зрабіць дамінуючым сваё асаблівае бачанне рэчаў, але спрыяць сапраўднаму дабро кожнага і ўсіх. “Бог, і значыць Касцёл, любіць усе стварэнні і хоча, каб яны жылі ўпоўні.
Аб гэтым неабходна сведчыць без страху”, - заклікаў езуіт і нагадаў заключныя словы Папы: “Страх Божы вызваляе ад страху людзей. Ён робіць свабоднымі!”.