Ватыканскі іерарх: гендэрная ідэалогія вядзе да “шэрасці” без адметнасцяў
13 студзеня некалькі
сотняў тысяч чалавек выйшлі на вуліцы Парыжа, каб мірна выказаць свой пратэст супраць
спробы легалізацыі ў Францыі гомасексуальных саюзаў і дазволу парам з гомасексуальнай
арыентацыяй усынаўляць дзяцей. Акцыя пад назвай “Маніфестацыя для ўсіх” аб’яднала
вялікую колькасць прадстаўнікоў грамадскага, палітычнага і рэлігійнага жыцця: католікаў,
пратэстантаў, мусульманаў, яўрэяў, а таксама няверуючых. На думку старшыні Папскай
рады па справах сям’і арцыбіскупа Вінчэнца Пальі, маніфестацыя паказала, што сужэнства
і сям’я з’яўляюцца не толькі рэчаіснасцю, якая тычыцца адной часткі грамадства, але
ўсіх. У інтэрв’ю нашаму радыё іерарх адзначыў, што французскія біскупы “вельмі мудра
паступілі”, што падтрымалі гэты пратэст, але не былі яго прамымі арганізатарамі: такім
чынам яны далі ўбачыць, што абарона сям’і – гэта не толькі справа Касцёла – яна тычыцца
кожнага, бо сям’я з’яўляецца “спадчынай чалавецтва”.
Паводле арцыбіскупа Пальі
гендэрная ідэалогія, якая нібыта спрыяе роўнасці паміж паламі, на самой справе вядзе
да сумнай “шэрасці” і знішчэнню “вясёлкі” адметнасцяў паміж людзьмі, створанай Богам.
“Чаму мы так уважліва адносімся да маніпуляцый прыродай, але так мала звяртаем увагі
на маніпуляцыі антрапалогіяй?”, - спытаўся іерарх. На яго думку, наступствы распаўсюджавання
гендэрнай ідэалогіі могуць быць драматычнымі для грамадства – яна вядзе да абсалютнага
індывідуалізма і з’яўлення людзей без якіх-небудзь сувязяў.
Арцыбіскуп Палья
не выключае, што пасля легалізацыі гомасексуальных саюзаў наступным крокам можа стаць
легалізацыя паліандрыі ці палігаміі. “Калі крытэрыем з’яўляцца маё ўласнае “я” і мае
жаданні, можа здарыцца ўсё!”, - падкрэсліў іерарх.