Պենետիկտոս ԺԶ Սրբազան Քահանայապետի Գործունէութիւնը:

Հինգշաբթի 10 յունուար 2013-ի առաւօտեան ժամը 11-ին Պենետիկտոս ԺԶ Սրբազան Քահանայապետը իր գրասենեակի մէջ ընդունեց Պոզնիա-Էրծէկովինայի դեսպան` Տիկ Սլավիա Գարաչիչ հաւատարմագրերու ներկայացումի առթիւ։Տիկ Գարաչիչ` ծնած է 1975ին ու 1999 ի վեր դիւանիգիտական մարզէն ներս կը գործէ։

Ժամը 11,20 անց Սրբազան Քահանայապետը ունկնդրութիւն շնորհեց Հռոմի տեղապահ Արքեպիսկոպոս` Կարդինալ Ակոսդինօ Վալլինիին, անոր օգնական 5 եպիսկոպոսներուն ու Սորա - Ագուինօ - Փոնդէքորւօ թեմի երբեմնի եպիսկոպոս` գերապայծառ ֆիլիբբօ Եաննոնէն։

Նշենք որ Տիեզերական Եկեղեցւոյ Քահանայապետ` Պենետիկտոս ԺԶ-ը Է նաեւ Իտալիոյ Կաթողիկէ եկեղեցւոյ գահերեձ։ Արդարեւ Իտալիոյ եկեղեցին աշխահի ամէնէ կազմակերպ եկեղեցին է, ունի 226 եկեղեցական թեմեր բաժնուած` 16 եկեղեցական գաւարներու ու մէկ զինուրական մատրանապետութիւն։

Իտալիան ունի նաեւ ''կարդինալական Թեմեր'' ինչպէս Թորինոն, Միլանը, Վենետիկը, Ճէնովան, Պոլոնիան, ֆիրէնցէն, Հռոմը, Նափոլին եւ Բալէրմոն, այս թեմերու առաջնորդները ընդհանրապէս կարդինալի տիտղոս կը ստանան։ Այսօրուայ ունկնդրութեամբ սկիզբ կ՛առնեն իտալիոյ կաթողիկէ եկեղեցւոյ եպիսկոպոսական համահաւաք դասի - Ad limina - Առ Սիամս Առաքելոցն - եպիսկոպոսներու` հնգամեայ կանոնական այցելութիւնները Սուրբ Պետրոսի յաջորդին։

Ժամը 12-ին Սրբազան Հայրը ընդունեց Հաւատոյ Ժողովի Կառավարիչը` Գերապայծառ Կէրարտ Լուտուիկ Միւլլէր։