Францыя: біскупы выйдуць на плошчы баронячы інстытут сям’і
Французскія біскупы
прымуць удзел у маніфестастацыі супраць законапраекта аб легалізацыі гомасексуальных
саюзаў і дазволу на ўсынаўленне дзяцей парамі з гамасексуальнай арыентацыяй, якая
пройдзе 13 студзеня ў Парыжы. “Нас павінна быць некалькі мільёнаў, гатовых да бою,
дзеля супрацьстаяння хлусне праз мірнае сведчанне праўды”, - сказаў біскуп Ванс Раймон
Сэнтэнэ, кажучы аб сваім рашэнні ўдзельнічаць у маніфестацыі. “Я чакаю вас! Усіх!
Таму што кожны з нас, у гэты дзень, мае сустрэчу з гісторыяй”, - заклікаў іерарх французскіх
католікаў. Таксама біскуп Блуа Марыс дэ Жэрміні падцвердзіў свой намер прыняць удзел
у акцыі пратэсту. “Гаворка не ідзе пра тое, каб супрацьстаяць ураду, але, каб падтрымаць
каштоўнасць сям’і і сужэнства паміж мужчынам і жанчынай, баронячы правы дзяцей”, –
гаворыцца ў звароце біскупа Грэнобля Гі дэ Керымела. Іерарх падкрэсліў, што, “канешне,
людзі з гомасексуальнай арыентацыяй маюць права на грамадскае прызнанне, але не на
тое, каб наносіць шкоду дзецям”. “Магчыма існуе спосаб, каб паважаць і адных і другіх,
але я не думаю, што сужэнства – гэта выхад”, – напісаў біскуп.
Касцёл у Францыі
актыўна мабілізаваўся напярэдадні маніфестацыі: на сайтах амаль кожнай дыяцэзіі з’яўвіліся
адпаведныя паведамленні з заклікам да вернікаў маліцца і прыняць удзел у пратэстах.
Акрамя таго, у некаторых дыяцэзіях, такіх як: Нанс і Рэймс, адбудуцца мясцовыя маніфестацыі,
у якіх прымуць удзел тыя, хто не зможа паехаць у Парыж. На сайце Парыжскага епіскапату
ёсць магчымасць спампаваць узор звароту да дэпутатаў, сенатараў і мэраў гарадоў з
просьбай паспрыяць адмене законапраекта.
Французскія біскупы, поўныя рашучасці
бараніць сям’ю, адчуваюць падтрымку Папы які, казаў ім падчас візіту “ad limina Аpostolorum”
20 верасня 2012 г., што Касцёл і грамадства вельмі разлічваюць на сужэнства і сям’ю,
таму варта ўсімі сіламі ўключыцца ў гэту сферу душпастырскай дзейнасці.