Святы Айцец сустрэўся з групай італьянскіх біскупаў
10 студзеня Бэнэдыкт
XVI прыняў на аўдыенцыі першую групу італьянскіх біскупаў, прыбыўшых у Ватыкан у рамках
візіта “ad limina Apostolorum”. Святы Айцец сустрэўся з біскупамі рэгіёну Лацыа на
чале з Вікарыем для Рымскай дыяцэзіі, кардыналам Агасціна Валіні. Аб змесце размовы
з Пантыфікам расказаў адзін з удзельнікаў сустрэчы, дапаможны біскуп Рымскай дыяцэзіі
Гуэрына Дэ Тора. Іерарх адзначыў, што Папа звярнуў асаблівую ўвагу на сітуацыю у Вечным
горадзе – сацыяльныя змены, адносіны з нехрысціянскімі рэлігіямі, і ў першую чаргу
праблемы звязаныя з беднасцю. Паводле біскупа Дэ Тора, Пантыфік выказаў сваё задавальненне
дабрачыннай дзейнасцю, якая ажыццяўляецца Касцёлам у Рыме. Біскуп Дэ Тора падкрэсліў
таксама, што Папа пацікавіўся праблемамі, якія маюць каталіцкія бальніцы ў Рыме. Паводле
іерарха, сустрэчы са Святым Айцом маюць вялікае значэнне, і даюць магчымасць адчуць
моцнае адзінства з ім.