Першы ў гісторыі каталог марскіх партовых капеланаў
Апостальства мора
выпусціла свой першы даведнік з інфармацыяй аб марскіх душпастырах на ўсім свеце.
Каталог змяшчае нумары тэлефонаў і адрасы электроннай пошты каталіцкіх капеланаў марскіх
структур у 259 портах. Дырэктар па развіцці Апостальства мора Джон Грын паведаміў,
што арганізацыя прадстаўлена святарамі ў большасці портаў свету, ад Дурбана да Дубаю
і ад Коста-Рыкі да Каломба. “Мы лічым, што даведнік, які змяшчае падрабязную інфармацыю
пра ўсіх нашых святароў, будзе каштоўным рэсурсам для маракоў і многія іншых, якія
працуюць у марскім суднаходстве”, - адзначыў ён.
Капеланы Апостальства мора
забяспечваюць практычную і духоўную падтрымку для маракоў. Гэта датычыць як дапамогі
ў душпастырскіх ці медыцынскіх пытаннях, так і пасярэдніцтва ў спрэчках адносна аплаты
і ўмоў працы. “Нашы капеланы з’яўляюцца “выратавальным кругам” для многіх маракоў,
калі яны прыбываюць у порт. Маракі ведаюць, што могуць давяраць і спадзявацца на капелана”,
- сказаў Джон Грын.
У Ватыкане ў лістападзе адбыўся 23-ы Міжнародны кангрэс
Апостальства мора, які сабраў больш за 400 дэлегатаў з 70 краін свету.