Papa priti ipeshkvijtë e dioqezës së Romës për vizitë 'ad Limina'
Benedikti XVI që në 7 vitet e para të papnisë ka pritur në Vatikan ipeshkvijtë katolikë
nga mbarë bota (janë afër 5 mijë) për vizitën ‘Ad Limina Apostolorum’, sot filloi
radhën e dytë duke u nisur nga dioqeza e Romës, për të cilën Kishë dioqezane ipeshkëv
është vet Papa. Ati i Shenjtë Jozef Ratcinger priti sot në audiencë në Pallatin Apostolik
në Vatikan, Vikarin e dioqezës së Romës, karidnalin Agostino Vallini, me ipeshkvijtë
ndihmës e prelatit delegat për veprimtarinë baritore universitare e të spitaleve,
imzot Lorenzo Leuzzin. Tërë vitin 2013 Papa Benedikti XVI do të ia kushtojë pikërisht
“vizitave ad Limina Apostolorum” të ipeshkvijve italianë që janë afër 220. Rritja
e numrit të dioqezave në botë ka imponuar afatin çdo 7 vjet në vend të afatit tradicional
5 vjeçar të radhës së vizitës e të takimit të të gjithë ipeshkvijve katolikë të botës
me Papën e Shenjtë të Romës. Kujtojmë se edhe ipeshkvijtë katolikë shqiptarë nga
Shqipëria, Mali Zi, Kosova e ata arbëreshë, deri më sot kanë bërë vizitën e tyre 5
vjeçare pranë Selisë së Shenjtë Apostolike tek varret e Apostujve Pjetër e Pal, në
Vatikan, e janë takuar në audiencë me Papën dhe me dikasteret e Selisë së Shenjtë.