Նախագահութեամբ Ամենապատիւ Ներսէս Պետրոս ԺԹ Կաթողիկոս Պատրիարքին, Աղօթքի Երեկոյ ՜՜Հաւատքի Տարւոյն՝՝ Առթիւ ։

Ուրբաթ 11 Յունուարի՝ ժամը 17.30-ին Պուրճ Համմուտ հայաշատ թաղամասի՝ Ս. Փրկիչ հայ կաթողիկէ եկեղեցւոյ մէջ, Ամենապատիւ Եւ Գերերջանիկ Տ Տ Ներսէս Պետրոս ԺԹ Տանն Կիլիկիոյ Կաթողիկէ Հայոց Կաթողիկոս Պատրիարքի նախագահութեան տեղի կ՝ունենայ Աղօթքի երեկոյ մը Հաւատքի Տարւոյն առիթով՛ Սոյն երեկոյթը կազմակերպուած է Պէյրութի Հայ կաթողիկէ թեմի քահանայից կողմէ։
Հաւատքի խոստովանութիւնը.
Ճանապարհ, ճշմարտութիւն եւ կեանք,
տէր իմ եւ Աստուած իմ, որ
կ՝առաջնորդես մեզ քու Ս. Եկեղեցիիդ միջոցաւ.
Ես կը հաւատամ եւ կը դաւանիմ
ինչ որ կ՝ուսուզանէ կաթողիկէ եւ առաքելական Ս. Եկեղեցին,
եւ կը ցանկամ քու շնորհքովդ
այս հաւատքով ապրիլ մինչեւ մահ։