Святы Айцец заклікаў у “Твітэры” да абароны свабоды сумлення
7 студзеня Святы Айцец
праз “Твітэр” звярнуўся да вернікаў з просьбай аб малітве за мір у Сірыі. Пантыфік
падзяліўся сваім болем за-за цярпення сірыйскага народу і заклікаў спрыяць абароне
свабоды сумлення. Тры новыя твіт-паведамленні Бэнэдыкта XVI былі звязаны з яго сённяшняй
прамовай да членаў дыпламатычнага корпусу, акрэдытаванага пры Апостальскай Сталіцы,
і ўтрымлівалі ў сабе думкі, агучаныя перад дыпламатамі. Першы “твіт” Папы з’явіўся
хутка пасля заканчэння сустрэчы ў Апостальскім палацы. Святы Айцец напісаў: “Прашу
вас з’яднацца са мной у малітве за Сірыю, каб канструктыўны дыялог заняў месца жахлівага
насілля”. У наступным паведамленні Бэнэдыкт XVI звярнуў увагу на пакуты насельніцтва
Нігерыі, да якіх прывялі тэрырыстычныя напады. “Нігерыйцы займаюць асаблівае месца
ў маім сэрцы; многія з іх на працягу апошніх месяцаў сталі ахвярамі безсэнсоўнага
насілля”, - напісаў Папа. У трэцім паведамленні Пантыфік падкрэсліў важнасць абароны
свабоды сумлення. “Давайце будзем бараніць свабоду сумлення асобных людзей і ўстаноў,
спрыяючы свабодзе і павазе да ўсіх”, - заклікаў сваіх чытачоў Святы Айцец.