Ватыкан: глыбокае даследаванне важнага дакумента Яна ХХІІІ
Ватыканскі сакрэтны
архіў падрыхтаваў да друку факсімільнае выданне булы папы Яна ХХІІІ “Humanae salutis”
(“Збаўленне чалавецтва”) – дакумента, якім у 1961 г. было абвяшчана скліканне ІІ Ватыканскага
Сабора. Увага да каштоўнасці дадзенага дакумента абумоўлена святкаваннем 50-годдзя
адкрыцця Сабора і абвяшчэння курса на новую евангегізацыю. Яго выданне суправаджала
даследванне, у ходзе якога група экспертаў пазнаёмілася з чарнавымі варыянтамі тэкста.
Паводле даследчыкаў, яны здолелі увайсці ў “закуліссе” булы і паназіраць за рознымі
этапамі яе напісання, узрастання, зменаў, адаптацыі, і нарэшце з’яўлення фінальнага
тэкста. Гэта праца дазволіла больш глыбока прааналізаваць інтэнцыі аўтараў дакумента
і асабіста папы Яна ХХІІІ у адносінах да ІІ Ватыканскага Сабора.
Паводле
галоўнага архіварыуса і бібліятэкара Святога Рымскага Касцёла арцыбіскупа Жана-Луі
Бруге, була, разам з іншымі дакументамі Папы Яна ХІІІ, можа паказаць “сапраўдны душпастырскі
клопат” і “вялікую душу” Пантыфіка, “які жадаў пашырыць багацце хрысціянскага паслання,
амаль новую евангелізацыю, аж да самых утоеных куткоў сумленняў і розумаў сучасных
людзей”.