Працягваецца падрыхтоўка да Сусветных дзён моладзі ў Рыа

Праз шэсць месяцаў у Рыа-дэ-Жанейра пройдуць Сусветныя дні моладзі, аднак ужо сёння, найбуйнейшы бразільскі горад Сан-Паўлу рыхтуецца прыняць, каля 40 тыс. маладых гасцей. Яны павінны прыбыць сюды ў рамках “Місійнага тыдня”, які традыцыйна праходзіць за некалькі дзён да Сусветных дзён моладзі. Архідыяцэзія Сан-Паўлу, якая не ахоплівае ўсяго гораду, прыме каля 30.000 пілігрымаў. Яшчэ дзве бліжэйшыя дыяцэзіі, у межах горада, таксама гатовы размясціць на сваёй тэрыторыі каля 7 тыс. удзельнікаў форума.
Для забеспячэння прыёму і начлега гасцей, Касцёл шукае памяшканні, якія будуць падрыхтаваны ў школах, семінарыях, а таксама ў прыватных дамах вернікаў. Як адзначыў кс. Хасэ Раберта Прада з аддзелу душпастырства моладзі епіскапата Бразіліі, праблема заключаецца ў тым, “каб прынамсі адзін з членаў прымаючай сям’і заўсёды быў дома”.
Усе кватэры, у якіх будуць гасціць удзельнікі Сусветных дзён моладзі, правяраюцца арганізатарамі форума. Многія сем’і выразілі хваляванне, у сувязі з тым, што не здолеюць зразумець моваў сваіх замежных маладых гасцей, але прадстаўнікі касцёльнай іерархіі іх супакоілі. Спецыяльна будзе выдадзены размоўнік “з асноўнымі выразамі для адносін".