Պենետիկտոս ԺԶ Սրբազան Քահանայապետը Կը Գլխաւորէ ''Աստուծամօր Տօնին'' Ժամասացութեան Արարողութիւնը։

Երկուշաբթի դեկտեմբեր 31ին, երեկոյեան ժամը 17ին, Պենետիկտոս ԺԶ Սրբազան Քահանայապետը Սուրբ Պետրոս տաճարին մէջ կը գլխաւորէ ''Աստուծամօր Տօնին'' ժամասացութեան արարողութիւնը որուն աւարտին տեղի կ՛ունենայ Սուրբ Հաղորդութեան ջեռմերանդական աղօթք ու ապա << Te Deum>> ''Փառք ի Բարձունս'' գոհաբանական աղօթքը։
Արարողութեան աւարտին Պենետիկտոս ԺԶ կ՛ուղղուի Սուրբ Պետրոսի հրապարակ ուր հոն զետեղուած մսուրի առջեւ պահ մը կ՛ամփոփուի։

Յայտնենք որ ամանորի առթիւ Սուրբ Պետրոսի հրապարակի վրայ երկուշաբթի 31 դեկտեմբերի երեկոյեան կազմակերպուած է ''մեր ընտանիքներուն մէջ ու ազգերու միջեւ խաղաղութեան'' աղօթքի հսկում որ սկիզբ կ՛առնէ 2012-ի դեկտեմբեր 31-ի երեկոյեան ժամը 23,30-ին ու վերջ կը գտնէ 1 յունուար 2013-ի առաւօտեան ժամը 7ին։