Շնորհաւոր Նոր Տարի

Յարգելի ունկնդիրներ`
Ռատիովատիկանի Հայկական Բաժնի խմբագրական կազմը, ամանորի առթիւ, կը յայտնէ սրտագին բարեմաղթութիւններ։
Ամէն տարեշրջան որ կ՛անցնի իր հետ կը տանի լաւ ու գէշ իրադարձութիւններ, ու ամէն ամանոր ներշնջումն է նոր յոյսերու եւ նորանոր սպասելիքներու։
Մեր մաղթանքն է որ եկող տարին ըլլայ բարեբեր տարի մը բոլորին։ Թող սէրն ու անդորրութիւնը տիրեն ամէնուրէք։
Թող Քրիստոս` խաղաղութեան թագաւորը նայուածքը ուղղէ տառապող ժողովուրդներուն ու անոնց տայ սրտի մխիթարանք եւ սփոփանք։
Աշխարհը կարիքը ունի խաղաղութեան ու այս կարելի է եթէ մեզմէ ամէն մէկը իր կարելին ընէ ձգտելու անոր։
Բարի երթ եւ ռատիովատիկանի հայակական բաժնի խմբագրական կազմի բոլոր անդամներու կողմէ Շնորհաւոր Նոր տարուայ ամէնաբարի մաղթանքներ։