Տասնեակ Կաղանդ Պապաներ այսօր 28 Դեկտեմբեր կը մասնակցին մրցավազքի մը, որ կը մեկնարկէ
ժամը 14:00-ին(տեղական ժամով) Նալպանտեան-Թումանեան խաչմերուկէն մինչեւ Ազատութեան հրապարակ:
Ձմեռնային փառատօնին ծիրէն ներս մրցավազքը տեղի կ’ունենայ արդէն երկրորդ անգամ: Մրցավազքի
աւարտին Ազատութեան հրապարակին վրայ տեղի կ՝ունենայ մրցանակաբաշխութեան արարողութիւնը:
Հրապարակին վրայ նաեւ տեղի կ՝ունենան Ձմեռնային Փառատօնի հանդիսութիւններն ու խաղերը: Ձմեռնային
փառատօնը պիտի շարունակուի մինչեւ Հին Նոր Տարի` Յունուար 13: Փառատօնի կազմակերպիչներն
են Deem Communications ընկերութիւնը եւ Երեւանի Քաղաքապետարանը: