Shtegtarë të besimit: takimi evropian i të rinjve në Romë, organizuar nga Tezé
Nesër, më 28 dhjetor, fillon takimi i të rinjve, organizuar nga Bashkësia e Tezesë,
në bashkëpunim me Shërbimin Baritor Rinor të Vikariatit të Romës dhe me Komunën. Të
rinjtë, shtegtarë nëpër udhët e mbarë Evropës, drejt Romës, do të jenë bashkë deri
më 2 janar. Është një nga etapat e shtegtimit të besimit, shestuar e realizuar
nga themeluesi i bashkësisë franceze, vëllai Roger, 35 vjet më parë. Qyteti i Amshuar,
i lashtë, do të rinohet përsëri këto ditë, kur do të ketë në gjirin e vet 40 mijë
të rinj, shumë prej të cilëve, nga Evropa Lindore. Në mikrofonin e Radio Vatikanit
flet motër Sonila Meta, me prejardhje nga Tirana flet rreth organizimit të këtij takimi
rinor, e edhe mbi domethënien fetare që ka ky takim për të rinjtë që mblidhen për
t’i kaluar ditët e fund-vitit në një mënyrë jashtëzakonisht të veçantë. Feja e
të rinjve e kërkesa e unitetit, spiritualiteti në botën pas-moderne dhe profecia e
faljes dhe pajtimit. Më tepër mbi Shtegtimin e besimit mbi tokë që mbahen në Romë
(28 dhjetor – 2 janar), me dhjetëra mijëra të rinjsh nga mbarë Evropa, që do të ketë
edhe një takim me Papën Benedikti XVI, flet motra rregulltare shqiptare Sonila
Meta, ta dëgjojmë në mikrofonin e RV............