Прэзідэнт і прэм’ер Італіі павіншавалі Святога Айца
23 снежня каля 19.00
адбылася тэлефонная размова паміж Святым Айцом Бэнэдыктам XVI і прэм’ер-міністрам
Італіі Марыё Монці, падчас якой адбыўся абмен віншаваннямі з нагоду святаў Божага
Нараджэння і надыходзячага Новага году, паведаміла Зала Друку Апостальскай Сталіцы.
У сваю чаргу прэс-служба італьянскага прэзідэнта паінфармавала, што таксама Джорджа
Напалітана, у тэлефоннай гутарцы, выказаў Папе свае найлепшыя пажаданні на Божае Нараджэнне
і Новы год. Са свайго боку Бэнэдыкт XVI, віншуючы італьянскага лідэра, выказаў сваю
блізкасць да італьянскага народа.