Հայանպաստ Դիրքորոշում Դրսեւորած' Ճոն Քերի Միացեալ Նահանգներու Արտաքին Գործոց Նախարարի Թեկնածու

Միացեալ Նահանգներու նախագահը՝ Պարաք Օպամա երէկ երեկոյեան յայտնած է, որ Ծերակոյտի արտաքին յարաբերութիւններու յանձնախումբի նախագահ Ճոն Քերիին թեկնածութիւնը կ՛առաջադրէ արտաքին գործոց նախարարի պաշտօնին համար: Հայաշատ Մասաչուսեց նահանգէն ծերակուտական ընտրուած ե՛ւ, ըստ հայկական լոպիինկի կազմակերպութիւններու, բազում առիթներով հայանպաստ դիրքորոշում դրսեւորած Քերի պիտի փոխարինէ Հիլըրի Քլինթընը: