Праз “Твітэр” Папа заклікаў маліцца за Касцёл

З дапамогай “Твітэра” Папа заклікаў вернікаў маліцца за Касцёл. 21 снежня Святы Айцец апублікаваў тры новыя паведамленні на сваёй старонцы ў гэтай сацыяльнай сетцы. Першы з іх тычыўся менавіта неабходнасці падтрымліваць Касцёл малітоўна, каб ён “нягледзячы на свае абмежаванні, усё больш узрастаў як дом Божы”. Два другія “твіты” Святога Айца насілі медытатыўны характар. У першым з іх Бэнэдыкт XVI нагадаў, што “не мы валодаем Праўдай, але Праўда валодае намі”. “Хрыстус, які з’яўляецца Праўдай, вядзе нас за руку”, - напісаў Святы Айцец. У сваім апошнім твіт-паведамленні Папа напісаў: “Калі адмаўляеш Бога, адмаўляеш годнасць чалавека. Хто бароніць Бога, бароніць чалавека”. Гэтыя твіты былі напісаны на 8 мовах: італьяскай, французскай, ангійскай, іспанскай, партугальскай, нямецкай, польскай і арабскай.