பெண்கள் கூடுதலாக உழைத்தாலும் ஊதியம் குறைவு: ஆய்வில் தகவல்

டிச.21,2012. கூலித்தொழில் தொடங்கி விண்வெளிப்பயணம் வரை ஆண்களுக்கு இணையாகப் பெண்களும் அனைத்துத் துறைகளிலும் இன்று கால்பதிக்க ஆரம்பித்து விட்டனர். ஆனால், ஆண்களுக்குச் சமமாக வேலை பார்த்தாலும் பெண்கள் அவர்களைவிட குறைவான ஊதியமே பெறுகின்றனர் என்று அண்மை ஆய்வு ஒன்றின் மூலம் தெரியவந்துள்ளது.
ஆண்கள் பார்க்கும் அத்தனை வேலைகளையும் பெண்களாலும் பார்க்க முடிகிறது. உண்மையில் ஆண்களைவிட பெண்கள் திறமையாகவே பணியாற்றுகின்றனர். ஆனால் ஊதியம் என்று வரும்போது மட்டும் ஆண்களைவிட குறைவாகவே பெண்களுக்குத் தருகிறார்கள் என்று அந்த ஆய்வு தெரிவிக்கிறது.
பிரிட்டன் கேம்பிரிட்ஜ் பல்கலைக்கழகம், கனடாவின் லேக்ஹெட் ஆகியவை இணைந்து நடத்திய ஆய்வில் இந்த விவரம் தெரிவிக்கப்பட்டுள்ளது.