«Օգնի՛ր Եղբօրդ» Նախաձեռնութիւնը Այժմ Սուրիահայերուն Կ՛օգնէ Գումար Յատկացնելով
Սուրիահայերուն օգնելու նպատակով ստեղծուած «Օգնի՛ր եղբօրդ» նախաձեռնութեան շրջանակներուն
մէջ տարբեր բարերարներէ, անհատներէ եւ կազմակերպութիւններէ նուիրուած է 41 միլիոն դրամ,
750 հազար ռուսական ռուբլի եւ շուրջ 31 միլիոն դրամի սննդամթերք: Այս մասին 19 դեկտեմբերին
«Ուրբաթ» մամուլի ակումբին մէջ լրագրողներու հետ հանդիպման ժամանակ ըսաւ նախաձեռնութեան
անդամ Լիլիթ Գալստեան: Սուրիահայ մանուկներուն համար տարեվերջին պիտի կազմակերպուին տարեմուտի
հանդէսներ եւ անոնց պիտի տրուին ամանորեան նուէրներ: Մամլոյ ասուլիսին միւս մասնակիցը`
ՀՅԴ Բիւրոյի անդամ, Ազգային ժողովի պատգամաւոր Վահան Յովհաննիսեան նշեց, որ նախաձեռնութիւնը
կը շարունակէ իր աշխատանքը բաւական աշխուժ ձեւով, սակայն որոշ շեշտադրումներ ստիպուած
են փոխել: Նախաձեռնութիւնը այս պահուն նպատակայարմար կը գտնէ գումարով օգնել սուրիահայերուն: