Падчас св. Імшы на Божае Нараджэнне Бэнэдыкт ХVI будзе апрануты ў арнат Х-ХІІ ст.
Кіраўнік Службы папскіх
літургічных цэлебрацый кс. прэлат Гвіда Марыні паведаміў аб падрабязнасцях святочных
цэлебрацый з удзелам Святога Айца. Паводле яго, падчас Вігілійнай св. Імшы Божага
Нараджэння Бэнэдыкт ХVI будзе апрануты ў арнат, які выкарыстоўвалі Рымскія Пантыфікі
пачынаючы з X-XII ст. Ён дадаў, што такім чынам Папа хоча засведчыць сваю павагу да
традыцыі. Цікава, што на працягу стагоддзяў у аздабленне гэтага арнату ўносіліся змены.
Напрыклад, дададзеныя пазней вертыкальныя палосы залатога і срэбнага колераў сімвалізуюць
адзінства і непарыўную сувязь паміж Касцёламі Усходу і Захаду, пад кіраўніцтвам Наступніка
св. Пятра, прызнаўся галоўны ватыканскі літургіст.
Кіраўнік Службы папскіх
літургічных цэлебрацый падзяліўся таксама больш падрабязнай інфармацыяй аб святкаванні
Божага Нараджэння ў Ватыкане. У прыватнасці, ён заўважыў, што ў працэсіі перад Вігілійнай
св. Імшой у базыліцы св. Пятра прымуць удзел таксама дзеці, якія ўскладуць букет кветак
побач з фігуркай Дзіцятка Езуса. “Іх будзе дзесяцёра і прыбудуць яны з розных кантынентаў”,
- прызнаўся кс. Марыні. Ён дадаў, што пасля св. Імшы, фігурка маленькага Езуса бузе
пакладзена ў яслі на плошчы св. Пятра. Пры галоўным алтары базылікі змесцяць іншую
фігурку, зробленую хрысціянскімі рамеснікамі з Бэтлеему, копію той, якую кожны год
кладуць у месцы нараджэння Збаўцы, у бэтлеемскай базыліцы Нараджэння Хрыста, паінфармаваў
Кіраўнік Службы папскіх літургічных цэлебрацый.