Փորթուկալի Գարիթասին Շնորհուեցաւ 2012-ի Մարդկային Իրաւունքներու Մրցանակը։
Փորթուկալի Ազգային Ժողովը գարիթասին շնորհեց 2012-ի մարդկային իրաւունքներու մրցանակը
''մարդկային արժանաւորութեան ի խնդիր'' տածած աշխատանքին համար։ Այդ մրցանակով Փորթուկալի
ազգային ժողովը գարիթասը` կաթողիկէ եկեղեցւոյ բարեսիրական մարմինը, կը ճանչնայ որպէս
մարդկային արժանաւորութեան մշտատեւ պաշտպան։ Փորթուկալի գարիթասի նախագահը` տիար ֆոնսեքա
ազգային ժողովականներուն ներկայութեամբ ընդունելով մրցանակը ըսաւ ''Գարիթասը ուրախութեամբ
կ'ընդունի մրցանակը յանուն Եկեղեցւոյ զանազան մարմիններու կողմէ մատուցած ծառայութիւններուն
մարդկային իրաւունքի ու ընկերային իրաւունքներու ի սպաս։''