Պենետիկտոս ԺԶ Սրբազան Քահանայապետի Գործունէութիւնը։
Լոնտոն 2012-ի Ողիմպիական Մարզիկներու Հետ Հանդիպում։

Երկուշաբթի 17 դեկտեմբեր 2012-ի առաւօտեան ժամը 11-ին Պենետիկտոս ԺԶ Սրբազան Քահանայապետը իր գրասենեակի մէջ ընդունեց Պաղեստինեան Ազգային Իշխանութեան Նախագահ` Մահմուտ Ապպասը (Ապու Մազէն) ու անոր ընկերացող շքախումբը։
Նորին Սրբութիւնը ապա ընդունեց Ժուլիան Հէրրանզ, Ժոզէֆ Թոմքօ եւ Սալվաթորէ Տէ Ճորճի Կարդինալները։ Հուսկ Գլեմենթինա սրահին մէջ ունկնդրութիւն շնորհեց Լոնտոնի 2012-ի ողիմպիական խաղերու իտալացի մրցանակակիրներուն ու 200 մարզիկներու պատուիրակութեան։ Յայտնենք որ մարզիկները, յետ միջօրէին, կը մասկնակցին իրենց նուիրուած աւանդական Սուրբ Պատարագի արարողութաեն որ այս տարի կը մատուցուի Հռոմի ''Սանդա Մարիա ին Վալլիչէլլա'' եկեղեցւոյ մէջ եւ որուն կը նախագահէ Կարդինալ Ճանֆրանքօ Ռավազին` Քահանայապետական Մշակոյթի Խորհուրդի Նախագահը։

Ողիմպիական խաղերու մասնակիցներուն ուղղած իր ճառին մէջ Սրբազան Հայրը նախ շնորհաւորեց մրցանակակիր մարզիկները ու ապա ակնարկեց մարզանքի ու մարզական դաստիարակութեան կարեւրութեան։ ''Մարզանքը - ըսաւ Ան - դաստիարկչական եւ մշակութային ''բարիք'' մըն է որ կարող է մարդը առաջնորդել կեանքի իսկական արժէքը հասկնալու''։ Սրբազան հայրը ապա հաստատեց թէ ''Եկեղեցին ալ հետքրքրութեամբ կը հետեւի մարզական աշխարհին որովհետեւ ունի մարդ էակի հոգատարութիւնը եւ եկեղեցական կեդրոններէն ներս գտնուող մարզադաշտերն ու մարզասրահները ապացույց են այս իրողութեան''։ Նորին սրբութիւնը հուսկ ներկաներուն յորդորեց ըլլալ ''բարի մարդկութեան'' վկաները որ ընտանքիներու եւ կրթական հաստատութիւններու հետ համագործակցելով դաստիարակեն նոր սերունդը ''արդար'' մարզական գաղափարականի մը։ Ան ապա մատնանշեց Հաւատոյ Տարուան ու նոր աւետարանութեան նիւթերուն ու խօսքը եզրափակեց ներկաներուն ուշադրութեան յանձնելով ''երանելի Բիէր Ճորճօ ֆրասսաթիի'' օրինակը որ ''համատեղ միացուցած էր մարզանքի իղձը ու Աստուծոյ հանդէպ սէրը'' Ու ապա բոլորին տուաւ իր առաքեալական օրհնութիւնը։