Ախալցխայի Մէջ Նշուեցաւ Սայաթ Նովայի 300-Ամեակը

Դեկտեմբեր 15-ին Ախալցխայի Վահրամ Գայֆէճեանի անուան ստեղծագործողներու միութեան կեդրոնէն ներս նշուեցաւ Սայաթ-նովայի 300 ամեակը: Երեկոն սկսաւ միութեան նախագահ` Ալեքսանդր Իգիթխանեանի ողջոյնի խօսքերով, որմէ ետք ներկաներու առջեւ ընթերցուեցաւ Սայաթ-նովայի կենսագրութիւնը:( Այս մասին կը յայտնէ ՙԱշալցխա՚ կայքը)։
Ձեռնարկի ընթացքին Սայաթ-Նովայի բանաստեղծութիւնները հայերէն ու վրացերէն լեզուներով ներկայացուցին Ախալցխայի Յովհաննէս Թումանեանի անուան թիւ 3 հանրային դպրոցի աշակերտներ` Մարիամ Յարութիւնեանը եւ Վիտալի Մինասեանը: Անոնց ասմունքներուն յաջորդեցին Ախալցխայի Հայկական Երիտասարդական Կրթամշակութային Կեդրոնի սան` Դիաննա Չոլախեանի պարը ՙԱշխարհումս իմն դուն իս՚ Շառլ եւ Սեդա Ազնաւուրներու երգի տակ: Երեկոյի ընթացքին ներկաները լսեցին Առնօ Պապաճանեանի նշանաւոր դաշնամուրային ՙէլեգիա՚ փիեսը գրուած Սայաթ-նովայի ստեղծագործութեան մոտիւներով:
Ձեռնարկը աւարտեցաւ Սայաթ-Նովայի երգերով, որոնք կատարեցին Վերոնիկա Թորոսեանը եւ Ալպերթ Աբէլեանը Ախալցխայի շրջանի մեծ Պամաջ եւ Ծղալթբիլա գիւղերէն: