Кардынал Фернанда
Філоні знаходзіцца з візітам ва Угандзе, дзе сустрэўся 16 снежня з Канферэнцыяй Біскупаў
гэтай краіны. Прэфект Кангрэгацыі Евангелізацыі Народаў адзначыў актыўнае развіццё
апостальскай, душпастырскай і сацыяльнай дзейнасці мясцовага Касцёла. Іерарх нагадаў
пра заклік бл. Яна Паўла II, “абвяшчаць Езуса Хрыста, каб паказаць людзям іх неад’емную
годнасць”. Удзел Касцёла ў сацыяльнай сферы жыцця стаў станоўчым адказам на яго. Працуючы
ў гэтым напрамку Касцёл ва Угандзе павінен быць “святлом і соллю” афрыканскага кантыненту,
дзе існуюць рознага тыпу канфлікты, у аснове якіх ляжыць адсутнасць паразумення паміж
людзьмі, перакананы ватыканскі іерарх.
Кардынал Філоні нагадаў біскупам, што
на іх, “як на пераемніках апосталаў”, ляжыць асноўная задача – заклікаць да еднасці,
справядлівасці і супакою. Гэты рэгіён, які перажыў пакуты насілля, нянавісці, грамадзянскіх
войнаў і адсутнасці прабачэння сярод розных этнічных груп, сёння адзначае 100-годдзе
Каталіцкага Касцёла, нагадаў кардынал, і асабліва ў духу Года Веры павінен пры дапамозе
сваіх пастыраў зразумець, што такое вера, адкрыць яе сапраўдны сэнс і фундамент, дадаў
ён.
Прэфект Кангрэгацыі Евангелізацыі Народаў звярнуў ўвагу на фармацыю семінарыстаў
і духоўную дапамогу святарам і кансэкраваным асобам, якія патрабуюць бацькоўскага
разумення і падтрымкі з боку сваіх іерархаў. Кардынал Філоні заклікаў да няспыннай
працы і душпастырскай апекі над свецкімі рухамі і сям’ямі, якія з’яўляюцца фундаментаментам
грамадства і Касцёла. Ён запрасіў біскупаў звярнуць увагу на ролю і годнасць жанчыны,
якая мае права на поўны ўдзел ў жыцці грамадства і правы якой часта дыскрымінуюцца.
Іерарх
з Ватыкану пажадаў біскупам быць добрымі кіраўнікамі сваіх дыяцэзій, кіруючыся любоўю
і адказнасцю ў выкананні сваіх абавязкаў, а таксама прынцыпамі празрыстасці і добрасумленнасці.