Պենետիկտոս ԺԶ Սրբազան Քահանայապետը Արձակեց Առաջին ''Թուիթ''ը։

Չորեքշաբթի 12 դեկտեմբեր 2012-ին, հրապարակային ունկնդրութեան աւարտին, Պենետիկտոս ԺԶ Սրբազան Քահանայապետը արձակեց իր առաջին ''թուիթ''ը։
Արդարեւ առաքելական օրհնութենէն ետք, աշխարհի հինգ ցամաքամասերը ներկայացնող հինգ երիտասարդներ, Սրբազան Քահանայապետին մօտեցան ու Անոր յանձնեցին ''Դապլէթ'' մը որուն միջոցաւ Սրբազան Հայրը արձակեց իր առաջին ''թուիթ''ը հետեւեալ նախադասութեամբ '' Սիրելի բարեկամներ մեծ ուրախութեամբ է որ կը միանամ ձեցի։ Շնորհակալութիւն ձեր ազնիւ պատասխանին։ Ձեզ ամէնքդ կ՛օրհնեմ։
Յայտնենք որ մինչեւ օրս Սրբազան Քահանայապետի ''թուիթեր'' ցանցի հետեւորդներու թիւը հասած է 700 հազարի ու մինչեւ Սուրբ Ծնունդ կ՛ակնկալուի որ այս թիւը գերազանցէ 1 միլիոնը։
Սրբազան Քահանայապետի ''Թուիթեր'' ցանցի ներկայացումը տեղի ունեցած էր մամլոյ ասուլիսով անցեալ 3 դեկտեմբերին։
Սկզբնական շրջանի ''թուիթ''- ները պիտի հրատարակուին չորեքշաբթի օրուայ ունկնդրութիւններու առթիւ թէեւ կարելիութիւնը կայ որ հետագային աւելի յաճախակի դառնան։
Առաջին ''թուիթ''-ները հաւատքի հայող հարցերու մասին պատասխաններ պիտի ըլլան եւ պիտի հրատարակուին եօթը լեզուներով` Սպաներէն (Spagnolo @pontifex_es), Իտալերէն (Italiano @pontifex_it), Փորթուկերէն (Portoghese @pontifex_pt), Գերմաներէն (Tedesco @pontifex_de), Լեհերէն (Polacco @pontifex_pl), Արաբերէն (Arabo @pontifex_ar) եւ ֆրանսերէն (Francese @pontifex_fr) ։