Асабісты сакратар Папы высока ацаніў кнігу для дзяцей
“Яна мае 30 старонак
і ўсё, што ў ёй напісана, гэта праўда”, - так арцыбіскуп намінант Георг Генсвайн,
асабісты сакратар Бэнэдыкта XVI, ахарактэрызаваў кнігу для дзяцей пад назвай “Таямніца
невялікай сажалкі”, якую стварыла руская мастачка, працуючая ў Ватыкане, Наталля Царкова.
11 снежня іерарх прыняў удзел у прэзентацыі выдання ў рымскім універсітэце “Augustinianum”.
“Усё напісанае ў кнізе, тое, што можна ў ёй убачыць, прыгожыя ілюстрацыі, распавядаюць
аб прыродзе, аб асобе, аб стварэнні”, - адзначыў асабісты сакратар Папы. Ён звярнуў
увагу, што аўтар апісала месца, у якім адбываюцца сустрэчы Бэнэдыкта ХVI з прыродай.
“Ні для каго не сакрэт, што наш Папа любіць тварэнні прыроды, і чым меншыя яны, тым
больш ён іх любіць”, - прызнаўся арцыбіскуп Генсвайн.
Іерарх адзначыў, што
ў сажалцы, якая знаходзіца перад фігурай Маці Божай ў летняй рэзідэнцыі Рымскіх Пантыфікаў
у Кастэль-Гандольфа, можна лепш пазнаць душу Святога Айца. “Мы бачым, што Папа звяртае
вялікую ўвагу на маленькія тварэнні, якія самі па сабе нічога не значаць”, - адзначыў
асабісты сакратар Бэнэдыкта ХVI. Аўтар дзіцячай кнігі цудоўна адлюстравала гэты момант,
калі Папа забываецца пра ўсё і застаецца толькі з імі.
Іерарх рэкамендуе бацькам
чытаць гэту кнігу сваім дзецям, каб такім чынам маленькія вернікі змаглі раскрыць
таямніцу служэння Папы. Яны змогуць даведацца, што Святы Айцец з’яўляецца вялікім
тэолагам, мае выключны інтэлект і вельмі лагодную душу. На думку асабістага сакратар
Папы, усё гэта Наталлі Царковай удалося цудоўна перадаць у сваёй ілюстраванай кнізе.