Ngushëllimet e Papës për vdekjen e imzot Madtha, nuncit apostolik në Bregun e Fildishtë.
“Shërbëtor besnik, meshtar i zellshëm e diplomatik i zoti”. Me këto fjalë Papa Benedikti
XVI e kujton kryeipeshkvin Ambrose Madtha, Nunc Apostolik në Bregun e Fildishtë, në
një telegram ngushëllimi dërguar kryeipeshkvit Salvatore Pennacchio, Nunc Apostolik
në Indi – atdheu i prelatit të ndjerë – e të ngarkuarit me punë të Nunciaturës së
Abizhanit, don Roberto Campisi. Kryeipeshkvi imzot Madtha vdiq tragjikisht në një
aksidente rrugor, të shtunën më 8 dhjetor, në Solemnitetin e Zojës së Papërlyer. Në
mesazhin e tij, Ati i Shenjtë Benedikti XVI shpreh ngushëllimet familjes, e thekson
se “feja e gjallë dhe e fortë ka kontribuar padyshim në përkushtimin që kryeipeshkvi
Madtha ka treguar përherë gjatë shërbimit të tij për Krishtin e për Selinë Apostolike”.
Papa bashkohet në dhimbjen me besimtarëve të dioqezës indiane të Lucknow-it, me personelin
e përfaqësisë papnore diplomatike në Bregun e Fildishtë e me korpin diplomatik të
akredituar në Shtetin afrikan, ku kryeipeshkvi i ndjerë imzot Madtha ishte dekan.
Benedikti XVI kujton me mirënjohje përpjekjet e Nuncit të ndjerë për promovimin e
paqes, të bashkimit e të mirës së përbashkët, posaçërisht gjatë viteve të fundit të
misionin të tij ipeshkvnor e diplomatik. Së fundi Papa ofron lutjen e tij drejtuar
Hyjit për shpirtin e këtij shërbëtori besnik, të cilin ia beson ndërmjetësimit të
së Lumes Mari Virgjër. Imzot Madtha, lindi në Mangalore Belthangady të Indisë,
më 2 nëntor 1955, qe shuguruar meshtar më 1982 e qe emëruar Nunc Apostolik në Breg
të Fildishtë më 8 maj 2008. Më parë pati shërbyer në misionin diplomatik pranë Nunciaturës
në Ghana, El Salvator, Gjeorgji, Shqipëri e Republikën e Kinës. Ceremonia e varrimit
të imzot Madtha kremtohet në Belthangady, fshatin e lindjes së prelatit indian, në
dioqezën Mangalore, ku trupi i pajetë pritet të mbërrijë të enjten më 13 dhjetor,
në mënyrë që të mund të zhvillohet riti i shenjtë pasditen e së premtes më 14 dhjetor. Imzot
Madtha, lindi në Mangalore Belthangady të Indisë, më 2 nëntor 1955, qe shuguruar meshtar
më 1982 e qe emëruar Nunc Apostolik në Breg të Fildishtë më 8 maj 2008. Më parë pati
shërbyer në misionin diplomatik pranë Nunciaturës në Ghana, El Salvator, Gjeorgji,
Shqipëri e Republikën e Kinës.