Արամ Ա. Կաթողիկոսի Եւ Պշարա Ռայի Պատրիարքի Հանդիպումը՝Պքերքէ։
Ուրբաթ, 7 դեկտեմբեր-ի երեկոյեան, Պքերքէի Մարոնի եկեղեցւոյ Պատրիարքարանին մէջ հանդիպում
մը տեղի ունեցաւ Արամ Ա. Կաթողիկոսին եւ Պշարա Ռայի Պատրիարքին միջեւ: Վեհափառ հայրապետը
նախ շնորհաւորեց Ռայի Պատրիարքը իր կարտինալական աստիճան ստանալուն առիթով: Ապա շուրջ
ժամ մը, երկու հոգեւոր պետերը խորհրդակցեցան ընդհանրապէս Միջին Արեւելքին եւ յատկապէս
Լիբանանի ու Սուրիոյ առնչուած շարք մը հարցերու գծով: Անդրադարձ եղաւ Լիբանանի ընտրական
օրէնքի փոփոխութեան եւ նոր կառավարութեան կազմութեան մասին: Աւելի լայն կերպով ապա քննարկուեցան
՝՝Միջին Արեւելքի մակարդակին վրայ՝՝ հոգեւոր պետերու հանդիպում մը կազմակերպելու կարելիութիւնները: