Në atmosferën e Solemnitetit të Zojës së Bekuar të Papërlyer, një lajm i hidhur: në
orët e para të mëngjesit të 8 dhjetorit, në Avezano të Italisë, ndërroi jetë meshtari
misionar italian, dom Antonio Sharra, famullitar i mirënjohur i Blinishtit në Shqipëri.
Ky prift i jashtëzakonshëm që tërë jetën e kaloi në shërbim të Zotit e të njeriut,
që sipas shembulli të Virgjërës Mari, e pranoi dhe përhapi Lajmin e Mirë – Fjalën
e Hyjit, madje Mishërimin e Fjalës së Zotit, la një amanet prekës: të pushojë në paqe
në tokën, së cilës i dhuroi, pa u kursyer kurrë, vitet e fundit të jetës së tij plot
zell për Zotin e dashuri për shqiptarin.