Յիսնակաց Շրջանի Խորհրդածութիւններ Վատիկանի Մէջ։
''Տիրոջ Շնորհքի տարին'' (Ղուկաս 4,19)

Այսօր ուրբաթ 7 դեկտեմբերի առաւօտեան ժամը 9 -ին, Վատիկանի մէջ սկիզբ առին Յիսուսի Գալստեան տօնին` Սուրբ Ծննդեան պատրաստութեան խորհրդածութիւնները զոր կը կատարէ, ինչպէս միշտ, Քահանայապետական Տան քարոզիչը` Գաբուսին միաբանութեան անդամ` Հայր Րանիէրօ Գանդալամեսսան։ Այս տարուայ խորհրդածութիւնններու նիւթը քաղուած է Ղուկասի աւետարանէն - գլ. 4, 19 ''Տիրոջ Շնորհքի տարին'' ։

2012 - 2013 տարեշրջանի ընթացքին եկեղեցին կ՛ապրի շնորհքի շրջան մը որ ամփոփուած են երեք կարեւոր ձեռնարկներու մէջ ''հաւատոյ տարին - վատիկանեան տիեզերական բ ժողովի 50 ամեակը եւ միսիոնարական նոր սլացքի կոչը յետ ''նոր աւետարանութիւնը եւ հաւաքտի փոխանցումը'' նիւթով եպիսկոպոսական սիւնհոդոսի նշումին։

Սրբազան Քահանայապետի ''Դուռ հաւատացելոց'' առաքելական թուղթի վրայ հիմնուելով - կը յատնէ հայր Գանդալամեսսան - այս երեք նիւթերու շուրջ հոգեւոր խորհրդածութիւններ պիտի կատարուին, որպէսզի այս շրջանը, Սուրբ Հոգիի ներգործութեան շնորհիւ ըլլայ իսկապէս ''Տիրոջ շնորհքի տարին''։
Յայտնենք թէ երկրորդ ու երրորդ խորհրդածական հանդիպումները տեղի կ՛ունենան ուրբաթ 14 եւ 21 դեկտեմբերին։ Նշենք ապա որ այս խորհրդածութիւնները կը կատարուին Վատիկանի Redemptoris Mater մատուռին մէջ, Պենետիկտոս ԺԶ Քահանայապետի եւ քահանայապետական տան ընտանիքի մասնակցութեամբ։