Հայաստանի Երկրաշարժի Զոհերուն Յիշատակի Արարողութիւններ

Այսօր, (ուրբաթ, 7 դեկտեմբեր 2012) Հայաստանի աղէտալի երկրաշարժի 24րդ տարելիցն է։ Համայն Հայութիւնը Հայաստանի թէ Սփիւռքի մէջ զանազան արարողութիւններով եւ ձեռնարկներով կը յիշատակէ 1988-ի՝ ահաւոր երկրաշարժը որ ցնցեց Հայաստանը.... ԱՄՆ.ի մէջ, Մուշեղ արք. Մարտիրոսեանի՝ Կլենտէյլի հայ առաքելական եկեղեցւոյ առաջնորդին տնօրինումով՝ կիրակի 9 Դեկտեմբերին, Արեւմտեան թեմի բոլոր եկեղեցիներուն մէջ, Ս. պատարագի ընթացքին, «Տէր Ողորմիա՛»ի յատուկ արարողութիւն մը պիտի կատարուի, ի յիշատակ զոհերուն:
Իսկ Հռոմի մէջ, 1988-ի՝ երկրաշարժի ԻԴ. տարելիցին առթիւ՝ Լեւոնեան Ք. Հայ վարժարանին մէջ, կազմակերպութեամբ՝ Լեւոնեան վարժարանի տեսչութեան, Իտալիոյ մօտ Հ Հ դեսպանութեան ու Հռոմի Հայ Համայնքի Խորհուրդին, տեղի կ՝ունենայ դասախօսական երեկոյթ մը եւ ներկայացումը, Մարիօ Մասսիմօ Սիմոնելլիի ՜՜Il lungo inverno di Spitak՝՝ (Սպիտակի երկար ձմեռը) հատորին։