Ամերիկահայ Երկու Ընտանիքներ Աքեանները եւ Քապլանեանները Աւելի Քան 250.000 Տոլար Կը
Նուիրեն Սուրիահայ Ուսանողներու Համար։
Հայաստանի Ամերիկեան համալսարանը կը տեղեկացնէ, թէ Սոնիա եւ Զաւէն Աքեանները (Աքեան ընտանիքի
հիմնադրամ) ու Ռիթա եւ Էտըմ Քապլանեանները յաջորդաբար 125,000 ու 132,000 տոլար տրամադրած
են Հայաստան ապաստանած սուրիահայ ուսանողներու կրթաթոշակներուն ծախսերը ապահովելու համար: Արդէն
իսկ մօտաւորապէս 80 նման ուսանողներ ձրիաբար ընդունուած են համալսարան, այս բարերարներուն
օժանդակութեանց շնորհիւ: