Վատիկանի մէջ ''Եկեղեցին Ամերիկայի Մէջ'' Խորագրով Միջազգային Համագումար։

Յառաջիկայ 9 - 12 Դեկտեմբեր, Վատիկանի մէջ տեղի կ՛ունենայ ''Եկեղեցին Ամերիկայի մէջ'' խորագրով միջազգային համագումար մը կազմակերպուած Լատին Ամերիկայի Քահանայապետական Յանձախումբի ջանքերով եւ Գոլոմպոյի Ասպետներու ու Կուատալուբի ուսումնասիրական հաստատութեան համագործակցութեամբ։
Երեքշաբթի 4 դեկտեմբերի առաւօտեան ձեռնարկի ներկայացումը կատարեցին` Կարդինալ Մարք Ուելլէն, վերոյիշեալ քահանայապետական յանձնախումբի նախագահը, յանձնախումբի քարտուղար Փրօֆ Կուզման Գարրիգուիրի եւ Գոլոմպոյի ասպետներու Գերագոյն Ասպետ` Տոքթ Գարլ Անտէրսոն։
Համագումարի բացման արարողութիւնը տեղի կ՛ունենայ 9 դեկետմբերի երեկոյեան ժամը 18-ին Սուրբ Պետրոսի Պազիլիքայի մէջ, Կարդինալ Ուելլէյի նախագահած Սուրբ պատարագով որուն աւարտին նախատեսուած է նաեւ Պենետիկտոս ԺԶ Սրբազան Քահանայապետի մասնակցութիւնը որ ներկաներուն ճառ մը պիտի արտասանէ։
Համագումարի աշխատանքները սկիզբ կ՛առնեն երկուշաբթի 10 դեկտեմբերին Սիւնհոդոսի Սրահին մէջ։ Աւելի քան 250 մասնակիցները, որոնց շարքին 30 եպիսկոպոսներ, երեք օրուայ ընթացքին պիտի քննարկեն Լատին Ամերիկիոյ եկեղեցւոյ հրատապ հարցերը ինչպէս դաստիարակութեան, երիտասարդութեան եւ կինրեու հայող հարցեր։ 11 դեկտեմբերին գերապայծառ Լատարիա ֆէրրէր` Հաւատոյ Ժողովի քարտուղարը պիտի զեկուցէ ''Հաւատոյ Տարուայ Իմաստի'' մասին, մինչ 12 դեկտեմբերին ժողովականները Սրբազան Քահանայապետի չորեքշաբթի օրուայ հրապարակային ունկնդրութեան կը մասնակցին ։