Святы Айцец з занепакоенасцю
сочыць за сітуацыяй у Конга. Аб гэтым ён заявіў падчас агульнай аўдыенцыі 5 снежня.
“Працягваюць надыходзіць сумныя навіны аб гуманітарнай сітуацыі ва ўсходняй частцы
Дэмакратычнай Рэспублікі Конга, якая на працягу некалькіх месяцаў стала арэнай узброеных
сутыкненняў і насілля”, - адзначыў Папа. Ён заўважыў, што “большай частцы насельніцтва
не хапае сродкаў першай неабходнасці і тысячы жыхароў былі вымушаны пакінуць свае
дамы ў пошуках прытулку ў іншых месцах”. Бэнэдыкт XVI чарговы раз заклікаў да дыялогу
і прымірэння і звярнуўся з просьбай да міжнароднай супольнасці “працаваць над тым,
каб забяспечыць патрэбы насельніцтва”.
Ужо некалькі тыдняў ў Конга трываюць
ваенныя дзеянні паміж дзяржаўнымі сіламі і паўстанцамі, ад якіх церпіць перш за ўсё
мірнае насельніцтва.