Քոնկոյի Մէջ Հինգ Հայ Օդաչուներ Զոհուած .

Շաբաթ լուսադէմին Քոնկոյի մայրաքաղաք Պրազավիլի օդակայանին մօտ արկածի մը ենթարկուած է «Իլ-76» բեռնատար օդանաւը, որուն անձնակազմին 7 անդամները զոհուած են: Անոնցմէ հինգը, (ըստ նախնական տուեալներու) Հայաստանի քաղաքացի են:
Արկածը, դարձեալ (ըստ նախնական տուեալներուն)տեղի ունեցած է անյաջող վայրէջքի պատճառով: «Իլ-76» բեռնատար օդանաւը Պրազավիլ կ՛ուղղուէր Քոնկոյի երկրորդ մեծագոյն քաղաքէն` Փորթ Նուարայէն: