2 снежня да хвалы
алтароў быў паднесены першы індус, свецкі вернік Дэвасахаяма Пілай, бацька сям’і,
які загінуў мучаніцкай смерцю за хрысціянскую веру. Св. беатыфікацыйную Імшу ў Котар,
у індыйскім штаце Керала, узначаліў кардынал Анджэла Амата, прэфект Кангрэгацыі па
справах Кананізацыі. Новы благаслаўлёны нарадзіўся ў 1712 г. у заможнай сям’і індуісцкага
святара. Малады Пілай атрымаў высокую адукацыю і хутка зрабіў кар’еру ў каралеўскім
двары. Аднак падчас ваенна-марской экспедыцыі ў Галандыю, зацікавіўся хрысціянскай
верай. У 1745 г. навярнуўся на каталіцтва. Пасля вяртання на радзіму прывёў да хрысціянскай
веры ўсю сваю сям’ю і іншых яе членаў. З гэтага моманту Пілай пачаў праводзіць сапраўдную
евангелізацыю сярод свайго народу. За гэта быў арыштаваны і пасля доўгіх катаванняў
быў прыгавораны на смяротнае пакаранне. Загінуў у 1752 г. маючы толькі 40 шадоў.
“Новы благаслаўлёны з’яўяецца для нас узорам стойкасці ў веры і ў яе сведчанні.
Сваім жыццём і дзейнасцю ён нястомна абвяшчаў пра Езуса і аб Яго збаўленні ўсяго чалавечцтва”,
- сказаў кардынал Анджэла Амата.