Կիրակնօրեայ Հրեշտակ Տեառն Մարեմեան Աղօթքը։

Կիրակի 2 դեկտեմբեր 2012 կէսօրին,Պենետիկտոս ԺԶ Սրբազան Քահանայապետը իր գրասենեակի պատուհանէն արտասանեց Հրեշտակ Տեառն Մարեմեան աղօթքը, Սուրբ Պետրոսի հրապարակը համախմբուած բազմաթիւ ուխտաւորներու ներկայութեամբ։

Մարեմեան աղօթքէն առաջ Նորին Սրբութիւնը խորհրդածութիւն մը կատարեց որուն մէջ խօսեցաւ ''գալստեան'' - յիսնակաց - շրջանի մասին որ այս տարի կը զուգադիպի Հաւատոյ Տարուայ եւ Վատիկանեան տիեզերական Բ ժողովի 50րդ տարեդարձին հետ։
Ձեզ կը հրաւիրեմ - ըսաւ Սրբազան Հայրը - վերագտնելու Քրիստոսի մարդեղութեան ճշմարիտ իրողութիւնը որ ''հաւատամքի'' մէջ կը դաւանինք. Աստուած մեզ կ՛ուզէ փրկել։ Կիրակիէ կիրակի խորհրդածենք այս խորհուրդի մասին - ըսաւ Ան - ու ապա զանազան լեզուներով ողջունեց ներկաները, ակնարկելով հնդկաստանի մէջ այսօր տեղի ունեցած երանացման արարողութեան։ Հուսկ բոլորին մաղթեց բարի կիրակի ու բարի երթ դէպի Ս. Ծնունդ ու ջամբեց իր հայրական օրհնութիւնը։