Бэнэдыкт ХVI перад малітвай “Анёл Панскі” даў парады на час Адвэнту (поўны тэкст)
2 снежня перад малітвай
“Анёл Панскі” Бэнэдыкт ХVI нагадаў сабраным на плошчы св. Пятра ў Рыме вернікам, што
сёння ў Касцёле пачаўся новы Літургічны год і ён супадае з першай нядзеляй Адвэнту,які
папяраджае свята Нараджэння Пана. “Дарагія браты і сёстры- сказаў Папа - Сёння Касцёл
пачынае новы Літургічны год, шлях,які яшчэ ўзбагачаны Годам веры і 50-годдзем адкрыцця
ІІ Ватыканскага Сабору. Першым этапам гэтага шляху з’яўляецца Адвэнт, у які ў рымскім
абрадзе ўваходзяць чатыры тыдні, якія папяраджаюць свята Божага Нараджэння, гэта значыць
таямніцу Уцелаўлення. Слова “адвэнт” значыць “прыйсце” ці “прысутнасць”. У старажытным
свеце яно ўказвала на візіт караля ці імператара ў якойсці правінцыі; у хрысціянскай
тэрміналогіі яно спасылаецца да прыйсця Бога, да Яго прысутнасці ў свеце; таямніца,
якая ахоплівае ўвесь космас і гісторыю, але мае дзьве асноўныя характарыстыкі: першае
і другое прыйсце Езуса Хрыста.
Першае прыйсце гэта менавіта Уцелаўленне,
другое гэта слаўнае прыйсце ў канцы часоў. Гэтыя два моманты, якія храналагічна ад
сябе аддаленыя, і не дадзена нам ведаць як вельмі, у рэчаіснасці сутыкаюцца з сабой,
бо цераз смерць і ўваскрасенне Езус ужо ажыццявіў гэтае ператварэнне чалавека і космасу,
якое з’яўляецца канчатковай мэтай стварэння. Але перад канцом неабходна, каб усе
ворагі Езуса былі пакладзены пад яго ногі (І Кар 15,25; Пс 110 (1). Гэты Божы план
збаўлення, які заўсёды ажыццяўляецца, заўсёды патрабуе паслухмянасці і супрацоўніцтва
чалавека; і Касцёл, як Нарачоная, абяцаная нявеста Божага Ягняці, Які быў ўкрыжаваны
і ўвасрос ( Дзеі 21,9) жыве памятаючы аб сваім Пану і ў чаканні яго вяртання. Гэта
чаканне на чуёную і дзейсную надзею.
Аб гэтым нагадвае нам сёння Слова Божае,
вызначаючы лінію паводзінаў, якой мы павінны ісці, каб быць гатовымі на прыняцце Пана.
У Евангеллі паводле Лукі, Езус кажа вучням: “каб сэрцы вашыя не былі абцяжараныя
свавольным жыццём і п’янствам, і жыццёвымі клопатамі...Таму чувайце і маліцеся ўвесь
час” (Лк 21,34,36). Значыць сціпласць і малітва. За тое апостал Павел заахвочвае “узрастаць
і напаўняцца ў любові” паміж сабой і да ўсіх, каб зрабіць ўзмоцненымі сэрцы нашы без
заганаў у святасці перад Богам ( І Тс 3,12-13). Сярод мітусні свету ці на пустыні
абыякавасці і матарыялізму, хрысціяне атрымліваюць ад Бога збаўленне і сведчаць аб
ім сваім адрозным спосабам жыцця, як горад,які размешчаны на шчыце гары. “У гэтыя
дні - абвяшчаў прарок Ярэмія- Іерусалім будзе жыць бяспечна і будзе называцца: Пан-
нашай-Справядлівасцю” (33,16). Супольнасць веруючых з’яўляецца знакам любові Бога,
Яго справядлівасці, якая ўжо прысутна ў гісторыі, але якая яшчэ не поўнасцю ажыццёўлена,
і таму заўсёды павінны быць чаканай, цярпліва і мужна шуканай.
Найсвяцейшая
Панна Марыя поўнасцю ўвасабляе ў сабе дух Адвэнту, які заключаецца ў слуханні Бога,
глыбокім жаданні выконвання Яго волі, радасным служэнні іншым. Даручым, каб яна кіравала
намі, каб Бог, які прыйдзе не застаў нас закрытымі ці няўважнымі, але мог у кожным
з нас пашыраць сваё валадарства любові, справядлівасці і супакою”.
Пасля малітвы
“Анёл Панскі“ Папа нагадаў, што сёння ў Індыі да хвалы алтароў будзе паднесены Дэвасахаяма
Пілай, свецкі вернік, які жыў у ХVIII ст. і памёр мучаніцкай смерцю. Пантыфік таксама
ўзгадаў, што 3 снежня адзначаецца Міжнародны дзень правоў асоб з абмежаваннымі магчымасцямі.
“Кожны чалавек, нават з фізічнымі і псіхічнымі абмежаваннямі, нават сур’ёзнымі, заўсёды
мае неацэнную каштоўнасць”, - сказаў Святы Айцец. Бэнэдыкт ХVI заклікаў заканадаўцаў
і кіраўнікоў краін забяспечыць такім асобам абарону і магчымасць поўнага ўдзелу ў
жыцці грамадства.