Папа да служачых цыркаў: давайце надзею і адвагу перад абліччам цяжкасцяў
1 снежня Бэнэдыкт
XVI сустрэўся са служачымі цыркаў і лунапаркаў. Каля 7 тыс. прадстаўнікоў гэтай прафесіі
прыбылі ў Вечны Горад, каб прыняць удзел у сустрэчы арганізаванай Папскай радай пастырства
эмігрантаў і падарожнікаў, Рымскай дыяцэзіяй і фондам “Migrantes”. З нагоды форума
на плошчы св. Пятра быў устаноўлены невялікі цырк, а тысячы ўдзельнікаў мерапрыемства
прайшліся па вуліцах Рыма граючы на музыкальных інструментах. Кароткае цыркавое прадстаўленне
было паказана асабіста Святому Айцу ў Ватыкане. Паводле Бэнэдыкта XVI радасныя гульні,
прадстаўленні, танцы і рытмічная музыка характэрныя для цыркавых прадстаўленняў дапамагаюць
устанавіць прамы дыялог як з малымі, так і дарослымі, выклікаючы пачуцці спакою, радасці
і згоды. Святы Айцец падкрэсліў, што менавіта праз гэты свой стыль, служачыя цыркаў
пакліканы да сведчання каштоўнасцяў, якія для іх саміх з’яўляюцца традыцыйнымі: гэта
– любоў да сям’і, клопат аб дзецях, увага да інвалідаў, дагляд за хворымі, павага
да пажылых і спадчыны іх досведу. “Вашы прадстаўленні патрабуюць самааднансці і ахвярнасці,
адказнасці і упартасці, адвагі і шчырасці: каштоўнасцяў, якія сучаснае грамадства
не заўсёды цэніць, але якія паспрыялі фарміраванню, у вашай вялікай сям’і, цэлых пакаленняў”,
- сказаў Папа.
Бэнэдыкт XVI падкрэсліў, што Касцёл вельмі цэніць вернасць
традыцыям, якую захоўваюць служачыя цыркаў і заклікае іх удзельнічаць у Божай місіі
праз сваю штодзённую працу. “У той час як звяртаеце ўвагу на якасць сваіх прадстаўленняў,
не забывайце сачыць за тым, каб разам з каштоўнасцямі Евангелля, працягваць даваць
маладым пакаленням надзею і адвагу, у якіх маюць патрэбу, асабліва ў адносінах да
жыццёвых цяжкасцяў, спакус недаверу, закрыцця ў саміх сябе і песімізма, які перашкаджаюць
бачыць прагажосць існавання”, - сказаў Папа.