Հայ Տպագրութեան 500-ամեակին Առիթով, Ուսումնասիրութեան Միջազգային Օր։ Իտալիա-
Նախաձեռնութեամբ՝ Պոլոնիայի Alma Mater Studiorum Համալսարանի՝ դասական բանասիրութեան,
պատմութեան, մշակոյթի ու քաղաքակրթութեան բաժնին, ու նաեւ՝ Պոլոնիայի համալսարանի գրադրանին,
հինգշաբթի 6 դեկտեմբերին, տեղի պիտի ունենայ Ուսումնասիրութեան Միջազգային Օրը, Հայ
Տպագրութեան 500-ամեակին առիթով։ Ձեռնարկը կը հովանաւորեն, Հ Հ պատուոյ հիւպատոսութիւնն
ու Իտալիոյ մշակութային հարստութիւններու նախարարութիւնը։ Համալսարանի գրադարանի
տնօրէն՝ Biancastella Antonino-ի, ու բանասիրութեան, պատմութեան, մշակոյթի ու քաղաքակրթութեան
տնօրէններ՝ Gian Mario Anselmi եւ Giuseppe Sassatelli-ի ողջոյնի խօսքերէն ետք, խօսք
պիտի առնեն եւ ներկաները ողջունեն Գերյ. Հ. Եղիա Թ. Ծ. Վրտդ. Քիլաղպիան՝ Մխիթարեան Միաբանութեան
ընդհ. Աբբահայրը, եւ Տոքթ. Բիէթրօ Քուչուկեան՝ Իտալիոյ մէջ Հ Հ Պատուոյ Հիւպատոսը ։ Ապա
պիտի բանախօսեն իտալացի եւ հայազգի փրոֆ.ներ՝ Կապրիէլլա Ուլուհոճեան, Մանէա Էրնա Շիրինեան,
Alessandro Orengo, Chiara Aimi, Maria Gioia Tavoni, Աննա Սիրինեան, Paolo Tinti եւ
Davide Ruggeri: Ուսումնաժողովը պիտի փակուի համերգով մը որուն ընթացքին հայրենի
սոփրանօ՝ Նարինէ Սբանեան, դաշնամուրի ընկերակցութեամբ՝ Թէրէզա Մարիա ֆետերիչիի, պիտի
հրամցնեն ներկաներուն հայկական աւանդական ու ծիսական երգեր...