Прайшло другое пасяджэнне Звычайнай Рады Сіноду Біскупаў
Генеральны Сакратарыят
Сіноду Біскупаў апублікаваў 30 лістапада заяву, у якой паведаміў аб другім, пасля
біскупскай асамблеі па новай евангелізацыі ў кастрычніку гэтага году, пасяджэнні сваёй
Звычайнай Рады, што мела месца 26 лістапада. На ім генеральны сакратар Сіноду прадставіў
пільны і падрабязны аналіз пытанняў, якія сталі наступствам апошніх прапаноў XIII
асамблеі. Затым адбылася дыскусія ў двух моўных групах, італьянскай і англійскай,
пасля якой прайшло пленарнае пасяджэнне, вынікам якога стала выпрацоўка “карыснай
інфармацыі”, што будзе прадстаўлена Святому Айцу.
На пасяджэнні гаворка ішла
аб “місіянерскім мандаце” Хрыста апосталам, з якога бярэ свой пачатак сёння новая
евангелізацыя. Яе патрэба нарадзілася з “пастаянных зменаў у выніку глабалізацыі ў
культурным і маральным клімаце секулярызму і агнастыцызму”. Гэта сітуацыя, на думку
членаў Звычайнай Рады Сіноду, уяўляе сабой выклік, і магчымасць для абвяшчэння Евангелля.
Для гэтага патрэбны “новы дынамізм касцёльнай супольнасці, новыя мовы і новыя сродкі
камунікацыі”, але перш за ўсё, давер да тых, хто абвяшчае Евангелле, з боку сучаснага
чалавека, лічаць удзельнікі сустрэчы.
Наступнае пасяджэнне Звычайнай Рады Генеральнага
Сакратарыяту Сіноду Біскупаў пройдзе 23-24 студзеня 2013 г.