Кардынал Рылка: Папа цікавіцца падрыхтоўкай да Сусветных дзён моладзі
“Бэнэдыкт ХVI назірае
з асаблівай увагай за падрыхтоўкай да Сусветных дзён моладзі (...). Сустрэчы з моладдзю
маюць для яго асаблівае значэнне”, - сказаў кардынал Станіслаў Рылка. Ён паінфармаваў,
што ўжо вызначана месца адпраўлення заключнай св. Імшы з удзелам Святога Айца. Яна
пройдзе ў Гуараціба, адным з кварталаў Рыа дэ Жанейра, на месцы, якое можа змясціць
каля 2,5 млн асоб. Прывітанне Святога Айца моладдзю, 25 ліпеня, адбудзецца ў адным
з самых вядомых раёнаў Рыа Копакабане. На наступны дзень менавіта тут Святы Айцец
узначаліць Крыжовы шлях. Старшыня Папскай рады па справах свецкіх знаходзіўся на гэтым
тыдні з арганізацыйным візітам у горадзе-гаспадары наступнага моладзевага форуму.
Мясцовы
арцыбіскуп Хоао Арані Тэмпеста заявіў аб сваёй упэўненасці ў тым, што Сусветныя дні
моладзі зменяць не толькі Рыа дэ Жанейра, але і ўсю Бразілію.