У Ватыканскіх садах будзе пасаджана адмысловае арэхавае дрэва
З нагоды Дня аховы
стварэння, 29 лістапада, у Ватыканскіх садах адбудзецца пасадка арэхавага дрэва. Сваю
згоду для ініцыятывы даў асабіста Бэнэдыкт ХVI. Як паведмілі ў італьянскім фондзе
“Sorella Natura”, дрэва грэцкага арэха стане сімвалам “разумнай экалогіі”. У сваю
чаргу Зала Друку Апостальскай Сталіцы адзначае, што гэта падзеяе прымеркавана таксама
да гадавіны абвяшчэння св. Францішка з Асізі апекуном барацьбітоў за экалогію. Арэхавае
дрэва ўпрыгожыць спецыяльную алею ў Ватыканскіх садах, створаную з дрэў, ахвяраваных
Святому Айцу. Шпацыры Бэнэдыкта ХVI часта праходзяць менавіта па ёй.
Акрамя
таго, фонд “Sorella Natura”, з нагоды Дня аховы стварэння, заклікаў усе італьянскія
школы, муніцыпалітэты і правінцыі далучыцца да ініцыятывы і пасадзіць дрэва грэцкага
арэха на сваёй тэрыторыі.